Ad Sextam / Ablauf einer Sext (Stundengebet)
Im Tagesablauf haben sich die Ordensbrüder regelmäßig zu den Stundengebeten zu versammeln. Als Beispiel für den Ablauf einer solchen Hore habe ich folgendes Beispiel bei officiumdivinum.org gefunden und möchte es hier nicht vorenthalten.
Ad Sextam
V. † Deus, in adiutorium meum intende.
R. Domine, ad adiuvandum me festina.
Gloria Patri, et Filio, et Spiritui Sancto.
Sicut erat in principio, et nunc, et semper et in sæcula sæculorum. Amen.
Alleluia.
Hymnus
Rector potens, verax Deus,
Qui temperas rerum vices,
Splendore mane illuminas,
Et ignibus meridiem:
Exstingue flammas litium,
Aufer calorem noxium,
Confer salutem corporum,
Veramque pacem cordium.
Præsta, Pater piisime,
Patrique compar Unice,
Cum Spiritu Paraclito
Regnans per omne sæculum.
Amen.
Antiphona
Memor esto * congregationis tuæ, Domine, quam possedisti ab initio.
Psalmus 73-i
Ut quid, Deus, repulisti in finem, * iratus est furor tuus super oves pascuæ tuæ?
Memor esto congregationis tuæ, * quam possedisti ab initio.
Redemisti virgam hæreditatis tuæ, * mons Sion, in quo habitasti in eo.
Leva manus tuas in superbias eorum in finem: * quanta malignatus est inimicus in sancto!
Et gloriati sunt qui oderunt te * in medio solemnitatis tuæ:
Posuerunt signa sua, signa: * et non cognoverunt sicut in exitu super summum.
Quasi in silva lignorum securibus exciderunt ianuas eius in idipsum; * in securi et ascia deiecerunt eam.
Incenderunt igni sanctuarium tuum; * in terra polluerunt tabernaculum nominis tui.
Dixerunt in corde suo cognatio eorum simul: * Quiescere faciamus omnes dies festos Dei a terra.
Signa nostra non vidimus; iam non est propheta; * et nos non cognoscet amplius.
Gloria Patri, et Filio, * et Spiritui Sancto.
Sicut erat in principio, et nunc, et semper, * et in sæcula sæculorum. Amen.
Psalmus 73-ii
Usquequo, Deus, improperabit inimicus? * irritat adversarius nomen tuum in finem?
Ut quid avertis manum tuam, et dexteram tuam * de medio sinu tuo in finem?
Deus autem rex noster ante sæcula: * operatus est salutem in medio terræ.
Tu confirmasti in virtute tua mare; * contribulasti capita draconum in aquis.
Tu confregisti capita draconis; * dedisti eum escam populis Æthiopum.
Tu dirupisti fontes et torrentes; * tu siccasti fluvios Ethan.
Tuus est dies, et tua est nox; * tu fabricatus es auroram et solem.
Tu fecisti omnes terminos terræ; * æstatem et ver tu plasmasti ea.
Gloria Patri, et Filio, * et Spiritui Sancto.
Sicut erat in principio, et nunc, et semper, * et in sæcula sæculorum. Amen.
Psalmus 73-iii
Memor esto huius: inimicus improperavit Domino, * et populus insipiens incitavit nomen tuum.
Ne tradas bestiis animas confitentes tibi, * et animas pauperum tuorum ne obliviscaris in finem.
Respice in testamentum tuum, * quia repleti sunt qui obscurati sunt terræ domibus iniquitatum.
Ne avertatur humilis factus confusus; * pauper et inops laudabunt nomen tuum.
Exsurge, Deus, iudica causam tuam; * memor esto improperiorum tuorum, eorum quæ ab insipiente sunt tota die.
Ne obliviscaris voces inimicorum tuorum: * superbia eorum qui te oderunt ascendit semper.
Gloria Patri, et Filio, * et Spiritui Sancto.
Sicut erat in principio, et nunc, et semper, * et in sæcula sæculorum. Amen.
Antiphona
Memor esto congregationis tuæ, Domine, quam possedisti ab initio.
Capitulum
Epistola Beati Pauli Apostoli ad Romanos 13: 8
Nemini quidquam de beatis, nisi ut invicem diligatis: qui enim diligit proximum, legem implevit.
R. Deo gratias.
Responsorium Breve
R. br. Benedicam Dominum * in omni tempore
Et repetitur: Benedicam Dominum in omni tempore.
V. Semper laus eius in ore meo.
R. In omni tempore.
V. Gloria Patri, et Filio, et Spiritui Sancto.
R. Benedicam Dominum in omni tempore.
V. Dominus regit me, et nihil mihi deerit.
R. In loco pascuæ ibi me collocavit.
V. Domine, exaudi orationem meam.
R. Et clamor meus ad te veniat.
Vel, in choro aut in communi:
V. Dominus vobiscum.
R. Et cum spiritu tuo.
Oratio
Oremus.
Da, quæsumus, Domine, populo tuo diabolica vitare contagia: et te solum Deum pura mente sectari. Per Dominum nostrum Iesum Christum Filium tuum, qui tecum vivit et regnat in unitate Spiritus Sancti, Deus, per omnia sæcula sæculorum. Amen.
V. Domine, exaudi orationem meam.
R. Et clamor meus ad te veniat.
Vel, in choro aut in communi:
V. Dominus vobiscum.
R. Et cum spiritu tuo.
V. Benedicamus Domino.
R. Deo gratias.
V. Fidelium animæ per misericordiam Dei requiescant in pace.
R. Amen.
Et ita absolvuntur Sexta.
